DO IZBORA NOVOG PREDSJEDNIKA: Stanka Vučinić na čelu Vrhovnog suda

Sudija Vrhovnog suda Stanka Vučinić imenovana je za v.d. predsjednice Vrhovnog suda, objavljeno je na sajtu Vrhovnog suda.

U odluci o imenovanju navodi se da će Vučinić na toj funkciji biti do izbora novog predsjednika Vrhvnog suda.

“Kako je iz akta Vrhovnog suda Crne Gore proizilazi da je sutkinja Stanka Vučinić godišnjim rasporedom poslova u Vrhovnom sudu određena za zamjenicu predsjednice, to je Sudski savjet na 22. sjednici održanoj 30. i 31. decembra 2020. nju imenovao za vršiteljku dužnosti predsjednice do izbora novog”, piše u odluci Sudskog savjeta, koju je potpisala predsjednica Vesna Simović Zvicer.

Sudski savjet je krajem 2020. godine konstatovao prestanak funkcije predsjednice Vrhovnog suda Vesne Medenice.