Connect with us

Globus

JUČE JE BIO I NJEGOV DAN: Heroj iz Kapitola čuvao je potpredsjednicu Haris

Published

on

Bio je juče i dan Eugena Gudmana, heroja sa Kapitol Hila, afroameričkog policijskog agenta koji je za vrijeme upada u Kongres 6. januara, zahvaljujući svojoj pribranosti, spriječio  tragediju.

Imao je na sebi tokom inauguracije Džoa Bajdena kaput od kamilje dlake i plavi šal, čuvajući  potpredsjednicu SAD, Kamalu Haris.

Pojavio se iza Džil Bajden, prve dame i prvog “drugog džentlmena” u američkoj istoriji, Daga Emhofa, Kamalinog supruga. Kada je spiker izgovorio njegovo ime, krenuo je dugi aplauz. Bilo je to “zatvaranje kruga” jer, na samo par metara od platforme, dvije sedmice ranije, za Gudmana je saznala cijela zemlja, pa i svijet, zahvaljujući snimku sa kamera unutar Kapitola.

Tu se vidi kako policajac stoji sam, okrenut licem rulji koja je upala, i penje se stepenicama pred njima, natraške. Bile su to stepenice koje su vodile na sprat gdje su kancelarije Senata, u kojima su bili senatori.

Policajac ih pušta da se penju, a onda  ih, stalno razgovarajući sa njima, vodi u hodnik suprotan od mjesta gdje su bili senatori.

Video je snimljen u 2,14. Ulaz u prostorije sa senatorima zatvoren je u 2,15, cijeli minut kasnije.

Riječ je o sekundama koje su mogle imati tragične posljedice. I tu je Gudmanova sabranost bila  presudna.

Čast da prati juče potpredsjednicu Haris, bila je pripremljena u tajnosti, za iznenađenje.

Ranijih dana, ostavke su dali šefovi obezbjeđenja na Kapitol Hilu, odgovorni za bezbjednost u Kameri i Senatu. Nema sumnje da će Gudmanu biti dodijeljeno neko visoko priznanje zbog čina koji je ušao u američku istoriju.

 

(Portal Luča)

 

Click to comment

Leave a Reply

Your email address will not be published.

Advertisement

Najčitanije