EMINA ČOLOVIĆ, PISMO IZ DIJASPORE: Hitno održati prijevremene parlmentarne izbore

Biti dobar političar ne znači da moraš biti doktor nauka, najbolji student političkih studija, da imaš hiljade sertifikata.

Da bi bio dobar političar, prije svega trebaš shvatiti narod, potrebe tog naroda, potrebe za osnovama i razvojem tog naroda, razvojem državnih institucija koje pružaju narodu doprinos za bolju budućnost, za razvojem životnog standarda i za razvojem države u regionu u kojem se nalazi.

To je osnova politike, jer ona mora i treba biti zarad koristi naroda. Nije važna samo diploma, političar mora posjedovati i harizmu koja je urođena u čovjeku kao politička harizma da bi mogao biti vođa naroda i da bi mogao stajati na vrhu političke platforme.

Za te manire nijesu potrebna priznanja, jer za te manire se rađaju vođe, a ne kao što je to slučaj danas na našoj političkoj sceni, ili bolje rečeno – politickoj areni sa sto diploma, a bez ikakvog političkog iskustva.

Mi smo ovih dana souočeni u našoj Crnoj Gori sa jednom konfijuzom koju je proizvela sadašnja vlast i koja traje već godinu dana sa haotičnom političkom situacijom, koja se mora pod hitno suočiti sa provjerom volje naroda na vanrednim parlamentarnim izborima.

Mi u dijaspori ne možemo više gledati ovo stanje beznađa, ili kvazi-političkog cirkusa. Crna Gora ima dovoljno progresivnih snaga, kako u samoj domovini, tako i u dijaspori, da neće dozvoliti da bilo ko stavlja brane između dijaspore i domovine.

Emina Čolović