ARGENTINA OSVOJILA KUP AMERIKE: Mesi konačno podigao trofej

Čekanju je došao kraj – Lionel Mesi je osvojio prvi veliki trofej sa reprezentacijom Argentine.

I to u Brazilu, na slavnoj Marakani, nakon što su u finalu Kupa Amerike “gaučosi” savladali “karioke” golom Anhela di Marije u 21. minutu.

Mesi je čekao predugo, izgubio mnogo finala, ali u noći između subote i nedjelje se poklopilo sve.

Na kraju je izabran i za najboljeg igrača turnira na kojem je upisao četiri gola i pet asistencija.

Argentina je zasluženo došla do titule koju je posljednji put osvojila 1993, jer je Brazil samo na momente prijetio i stvorio nekoliko šansi.

Najbolje su imali Nejmar i Gabrijel Barbosa, dok je pogodak Rišarlisona poništen zbog ofsajda.