NAKON SEDAM GODINA: Uhapšen Adis Muratović, optužen za ubistvo Rožajca

Podgorička policija je rano jutros, po međunarodnoj potjernici, a nakon sedam godina bjekstva, uhapsila Rožajca Adisa Muratovića, optuženog za ubistvo sugrađanina, potvrđeno je Portalu Luča.

Muratovića je Viši sud u Bijelom Polju osudio na 21 godinu zatvora zbog ubistva sugrađanina Anesa Kalača 27. jula 2014. godine u Rožajama.

Muratovićeva braća – Jasmin, Anes, Mirsad, Elmin i Elvis, proglašeni su krivima zbog učestvovanje u tuči u kojoj je Kalač ubijen, dok je Sevad Muratović oslobođen svih optužbi.

Mirsad Muratović osuđen je na dvije godine zatvora, Anes na godinu i osam mjeseci, Jasmin na godinu i po, Elmin je dobio godinu i tri mjeseca, a Elvis pola godine zatvora.